Yeni Azərbaycan Partiyasının (YAP) Gənclər Birliyinin üzvləri 26 iyun Azərbaycan Silahlı Qüvvələr Günü münasibətlə Şəhidlər xiyabanında Qarabağ şəhidlərinin məzarlarını ziyarət ediblər YAP Gənclər Birliyindən Trend-ə verilən məlumata görə, gənclər Azərbaycanın ərazi bütövlüyü və suverenliyi uğrunda canlarını qurban vermiş Qarabağ şəhidlərinin əziz xatirəsini yad edib və məzarları önünə gül dəstələri düzüblər.Ümumilikdə 150-ə yaxın gənc şəhidlərin məzarını ziyarət edib. Ziyarətçilər arasında YAP Gənclər Birliyinin sədri Seymur Orucov da olub.Qeyd edək ki, Azərbaycan Prezidentinin 22 may 1998-ci il tarixli qərarına əsasən, 26 iyun - Silahlı Qüvvələr Günü elan edilib və hər il Azərbaycan xalqı bunu bayram edir.
Mənbə: Milli.Az