Qadin.NET / Azərbaycana gətirilən avtomobillərin sayı azalıb

Azərbaycana gətirilən avtomobillərin sayı azalıb

 

Bu ilin yanvar-may aylarında Azərbaycana 30 576 ədəd avtomobil idxal olunub.APA-nın Dövlət Gömrük Komitəsinin hesabatına istinadən verdiyi məlumata görə, bu, ötən ilin eyni dövrü ilə müqayisədə 9 135 ədəd və 23% azdır. Ötən ayla müqayisədə isə 3 844 ədəd və ya 14,3% çoxdur.Belə ki, ölkəyə gətirilən avtomobillərin 151 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 27 444 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 2 765 ədədi yük daşımaq üçün motorlu nəqliyyat vasitələri, 216 ədədi isə xüsusi təyinatlı motorlu nəqliyyat vasitələridir.


Mənbə: Milli.Az

 

17 iyun 2014
GO BACK