Təhsil nazirinin müvafiq əmrinə əsasən, Bakı Şəhəri üzrə Təhsil İdarəsi (BŞTİ) tərəfindən iyun ayında paytaxtın ümumtəhsil məktəblərində çalışan müəllimlərin Sınaq Qiymətləndirilməsi keçiriləcək.BŞTİ-nin mətbuat xidmətindən ANS PRESS-ə verilən məlumata görə, bu məqsədlə Bakının 12 rayonunda müəllimlərlə görüşlər keçirilib, suallar cavablandırılıb.Qurum müəllimlərlə görüşlərdəki istəkləri və Bakı Şəhəri üzrə Təhsil İdarəsinə, İdarənin rəsmi “Facebook” səhifəsinə daxil olan çoxsaylı sualları nəzərə alaraq Sınaq Qiymətləndirilməsini əhatə edən fənlər üzrə bir neçə nümunə təqdim edib. Tezliklə fiziki tərbiyə, təsviri incəsənət və rəsmxətt ixtisasları üzrə suallar da əlavə ediləcək.
Mənbə: ANS PRESS