TQDK Rusiya Federasiyası Xarici İşlər Nazirliyinin Moskva Dövlət Beynəlxalq Əlaqələr İnstitutunda təhsil almaq istəyən Azərbaycan vətəndaşları üçün qəbul imtahanı keçirir.ANS PRESS-in TQDK-ya istinadən verdiyi məlumata görə, qəbul haqda məlumatlar KİV-də dərc edilib. əbul elanı və bununla bağlı bütün məlumatlar, o cümlədən müsabiqə şərtləri TQDK-nın rəsmi internet səhifəsində - www.tqdk.gov.az yerləşdirilib.Azərbaycan vətəndaşlarının bakalavriatura səviyyəsində MDBƏİ-də təhsil alması üçün 3 yer (ödənişsiz əsaslarla) təqdim olunub.Müsabiqədə iştirak etmək üçün qeydiyyat TQDK-da aparılıb. MDBƏİ-yə qəbul imtahanında iştirak etmək üçün 8 nəfər qeydiyyatdan keçib. Abituriyentlər “İmtahana buraxılış vərəqəsi”ni TQDK-nın internet saytına daxil olub çap edib götürürlər.
İmtahan nəticələri həmin gün - mayın 30-da Komissiyanın internet səhifəsində yerləşdiriləcək.Müsahibə TQDK-da 2014-cü il iyunun 2-də saat 15:00-da keçiriləcək.
Mənbə: ANS PRESS