Britaniyanın Forza Supplements şirkətinin araşdırmaları nəticəsində insanın fiqura gözəlliyi üçün ən təhlükəli yaş həddi bəlli olub. Şirkətin əməkdaşları minlərlə insanın çəkisi, qidalanması, tərəfdaşları ilə münasibətini müşahidə etdikdən sonra maraqlı qənaətə gəliblər. Sən demə, artıq çəki yığılmısı nöqteyi-nəzərindən qadınlar üçün ən təhlükəli yaş 35-40 yaş arasıdır. Kişilərin ən "qorxunc" dövrləri isə 40-45 yaş arasıdır. Qadınlarda artıq çəkinin pik dövrü 38 yaşında, kişilərdə isə 44 yaşında olur.Milli.Az Rusiya mətbuatına istinadən bildirir ki, qadınların 34%-i övlad dünyaya gətirdikdən sonra artıq çəki qazanırlar. 32%-i isə ərə getdikdən sonra. Kişilərin 22%-i boşandıqdan sonra kökəlirlər. Kişilərin artıq çəki toplamasında əsas faktor karyeradır. Güclü cinsin nümayəndələrinin 36%-i karyera pilləsində irəlilədikcə idman haqqında unudur və daha çox stress keçirirlər. Bu da öz növbəsində çəkidə özünü göstərir.
Mənbə: Milli.Az