Tayvanın TSMC şirkəti Apple qurğularının növbəti nəsli üçün Touch ID barmaq izləri skanerlərinin birinci partiyasının istehsalına başlayıb. Bu haqda cecb2b.com saytı yazıb.Milli.Az ICTnews-a istinadən bildirir ki, iPad Air və mini planşetlərinin növbəti nəslində daktiloskopik sensorun olacağını KGI Securities şirkətinin analitiki Minq-Çi Kuo hələ bir neçə ay əvvəldən xəbər vermişdi. Hazırda Touch ID yalnız smartfonun blokdan çıxarılması zamanı və App Store onlayn mağazasından alış-veriş etdikdə parol daxil edilməsinə alternativ kimi istifadə olunur. Amma ötən ay Tim Kuk jurnalistlərin diqqətinə çatdırıb ki, bu ötürücüdən istifadə edən ödəniş sistemi yaradılacaq.
Mənbə:Milli.Az