Bakı - APA. Bu gün Bakıda dünyanın 10-dan artıq aparıcı təhsil müəssisələrinin iştirak etdiyi təhsil sərgisi keçirilib.
APA-nın məlumatına görə, sərgi haqqında məlumat verən "Empati Group" təhsil şirkətinin rəhbəri Kənan Saqiyev bildirib ki, “English Time” və “Empati Group”un təşkil etdiyi sərgi iki gün davam edəcək.
Sərgidə ABŞ, İngiltərə, Rusiya, Türkiyə, Gürcüstan, Litva, Dubay, Polşa, İordaniya krallığının və digər ölkələrin rektorları, rektor köməkçiləri, dekanları, professorları, səlahiyyətli məsul şəxslər, Nyu York Kino Akademiyasının və İordaniya krallığının Aviasiya Akademiyasının nümayəndələri də iştirak edir.
K.Saqiyev qeyd edib ki, sərginin məqsədi xaricdə təhsillə maraqlanan şəxslərin maarifləndirilməsidir.
Mənbə:apa.az