Azərbaycanda "Formula-1" Qran-pri mərhələlərindən biri 2015-ci ilin payızında keçiriləcək.
Milli.Az xəbər verir ki, bunu Trend-ə Gənclər və İdman Nazirliyinin mətbuat xidmətinin rəhbəri Səmayə Məmmədova deyib. Onun sözlərinə görə, Azərbaycanda yarış mərhələsinin keçirilməsi üzrə rəsmi sənədlər zərfi mayın sonunadək imzalanacaq. Sənədlər "Formula One World Championship Limited" və "Baku Grand Prix" şirkətlərinin rəhbərləri arasında imzalanacaq. Məsələ ilə bağlı daha ətraflı məlumat açıqlanmır.
Qeyd edək ki, "Formula-1" yarışının mərhələlərindən birinin Bakıda 2016-cı ildə keçirilməsi nəzərdə tutulurdu.
Mənbə:Milli.Az