Qadin.NET / Azərbaycan teleməkanında yeniliklər olacaq

Azərbaycan teleməkanında yeniliklər olacaq

 

Azərbaycan teleməkanında bir sıra yeni xidmətlər göstəriləcək

Bu barədə Trend-ə Milli Televiziya və Radio Şurasının (MTRŞ) sədriNuşirəvan Məhərrəmli deyib.

N.Məhərrəmlinin sözlərinə görə, yeni xidmətlərin tətbiqi ölkədə rəqəmsal yayıma keçidin verdiyi bir çox yeni texnoloji imkanlar sayəsində mümkün olacaq.

MTRŞ sədri qeyd edib ki, bu xidmətlərin tətbiqinə başlanması zaman tələb edir: "Əvvəlcə analoq yayımı dayandıraq, ondan sonra tədricən bu məsələlər öz həllini tapacaq".

N.Məhərrəmli qeyd edib ki, bu xidmət "on demand" (tələbə görə) adlanır: "İnsanlar tutaq ki, hər hansı bir verilişi, filmi və ya hansısa maraqlı proqramı izləmək istəyir, amma həmin vaxt işdə olur və yaxud baxmağa vaxtı olmur. Belə olduğu halda həmin verilişi və ya oyunu əvvəlcədən sifariş edir və sonra vaxtı olanda baxır".

MTRŞ sədri qeyd edib ki, bu xidmətlər ödənişli əsaslarla müəyyən özəl qurumlar tərəfindən göstərilə bilər.

Mənbə:Milli.Az

 

1 may 2014
GO BACK