| Amasya Universiteti Təhsil və Araşdırma Xəstəxanasının uşaq xəstəlikləri üzrə həkimi Çelep Göy qış fəslini sağlam keçirmək üçün, həmçinin bir sıra xəstəliklərdən (soyuqdəymə , zökəm, qrip, bronxit, sətəlcəm və s. kimi ağır tənəffüs yolu infeksiyaları) qorunmaq üçün sağlam və düzgün qidalanmanın vacib olduğunu vurğulayır və bu aylarda daha çox meyvə-tərəvəzdən istifadə etməyi, portağal, narıngi kimi immuniteti artıran məhsullara üstünlük verməyi məsləhət görür. | |
|
Qapalı mühitdə mümkün qədər az vaxt keçirmək, imkan düşdükcə otağın havasını dəyişmək, açıq havada gəzmək baş verə biləcək xəstəliklərin aradan qaldırılması üçün ən ideal variantlardandır. Çelep Göyün fikrincə, soyuqdəymə zamanı həkim məsləhəti olmadan dərman qəbul etməkdənsə, çoxlu maye qəbul etmək daha məqsədəuyğundur. Çelep Göy onu da vurğulayır ki, bitki mənşəli çaylardan istifadə edərkən uşağın yaşını nəzərə almaq lazımdır. Məsələn, bitki çayını yalnız 1 yaşından yuxarı uşaqlara vermək olar. Lakin burada da uşağın allergiyalı olub-olmamasını diqqətdə saxlamaq vacibdir. Mənbə:zaman.az |