Cənubi Koreya alimlərinin həlli naqillə enerji yükləmə qurğuları erasına son qoya bilər. Tədqiqatçıların eksperimental sistemi binadakı bütün insanların smartfonlarını uzaq məsafədən enerji ilə yükləyə bilər. Ötürücü aparatdan eyni zamanda 5 metr məsafədə yerləşən 40 smartfonu enerji ilə doldurmaq olar.
Milli.Az ICTnews-a istinadən bildirir ki, Dipole Coil Resonant System hazırda simsiz enerji ötürmə sistemləri arasında ən uzun diapazona malikdir. Son 10 ildə elektronikanın enerji ilə doldurulması üsulu böyük dəyişikliklərə məruz qalıb – tədricən naqillərdən imtina müşahidə olunur.
5 metr – bu, simsiz enerji ötürmə texnologiyası üçün rekorddur. Başqa sistemlərdə telefonu xüsusi səthə qoymaq lazımdırsa, burada onu, hətta cibdən çıxartmaq lazım deyil.
Məmbə:Milli.Az