18 aprel bütün dünyada “Beynəlxalq Abidələr və Tarixi Yerlər” günü kimi qeyd olunur. Bu münasibətlə sabah ölkə ərazisindəki tarixi abidələrdə “Açıq qapı” günü keçiriləcək. Milli.Az Kanal S-ə istinadən xəbər verir ki, Mədəniyyət və Turizm Nazirliyinin müvafiq əmrinə əsasən, sabah Şəkidə də tarixi abidə və muzeylərə pulsuz ekskursiyalar təşkil ediləcək.
Tədbirin məqsədi əhalini tarixi-mədəni irsimizlə tanış etmək, onların qorunması işini təmin etməkdir. “Açıq qapı” günü Şəkidə 10-dan çox tarixi abidəni əhatə edir. Onların arasında Şəki Xan Sarayı, Kiş Alban Məbədi, Tarix-diyarşünaslıq Muzeyi, Mirzə Fətəli Axundzadənin Ev Muzeyi, Sabit Rəhmanın Ev Muzeyi, Xalq Tətbiqi Sənəti Muzeyi, Rəsm Qalereyası, Şəki Xanlarının Evi və digər abidələr var. Sakinlər səhər saat 9:00-dan axşam 18:00-dək bu abidələrlə pulsuz tanış olmaq imkan əldə edəcəklər.