Facebook sosial şəbəkəsi elektron pul xidmətinə başlamağı planlaşdırır. ANS PRESS-in məlumatına görə, bu xidmət vasitəsilə istifadəçilər sosial şəbəkədə pul saxlama və pul köçürmələr edəcək. Bu xidmət sosial şəbəkələrin Avropa istifadəçiləri üçün mövcud olacaq.
Məlumatlara görə, Facebook şirkəti baş ofisin qeydiyyatda olduğu İrlandiya dövlət maliyyə xidmətinə bununla bağlı ərizə göndərib.
Facebook hazırda üç London şirkəti ilə əməkdaşlıqla əlaqədar müzakirəyə start verib. Bunlar online və mobil vasitəsilə beynəlxalq pul köçürmələri ilə məşğul olan TransferWise, Moni Texnologiyaları və Azimo şirkətləridir.
Mənbə: ANS PRESS