Dünyanın ən bahalı Pasxa yumurtası hazırlanıb. 18 karatlıq qızıl və platindən hazırlanarq üzəri 1000 brilyant qaşla bəzədilmiş yumurtanın dəyəri 8,4 milyon dollardır.
Bu məbləğə 30 superlüks Ferrari 458 Italia avtomobili almaq olar.
Milli.Az Daily Mail-ə istinadən bildirir ki, unikal zərgərlik əsərinin müəllifləri tanınmış zərgər-dizaynerlər Manfred Uayld və Vaşi Domingesdir.
Onların dediklərinə görə, "Mirage" adlı bu Pasxa yumurtasının üzərindəki 1000 brilyant qaşın 100-ü ünikal, təkrarsızdır.
Yumurta 3 il ərzində ərsəyə gətirilib.
Brilyantlarla yanaşı, almaz qaşlarla bəzədilmiş yumurtanın yuxarı hissəsi açılanda orada Yer kürəsinin miniatür forması açılır.
Bu qlobusun yarısı qaldırılanda isə orada dağ büllurundan hazırlanmış göyərçin çıxır.
Göyərçin qızıl zeytun budağının üstünə "qonub".
Mənbə:Milli.Az
