Avstraliyanın Sidney şəhərində naməlum kişi kafelərdən birində içində 1 milyon dollar pul olan çamadanı unudub. Trend-in məlumatına görə, bu barədə RİA Novosti The Associated Press-ə istinadən xəbər verir.
Qeyri-adi "tapıntı" bu gün səhər "Café Marco" italyan kafesində xidmətçilər tərəfindən tapılıb. Onlar polis çağırıblar. Polis çamadanda iri məbləğdə pul - təxminən 1 milyon Avstraliya dolları olduğunu müəyyənləşdirib.
Hazırda polisə yalnız o məlumdur ki, kafeyə çamadanla 30 yaşlarında, şort və futbolka geymiş bir kişi daxil olub.
Hazırda polis çamadanın "müəmmalı sahibinin" axtarışına başlayıb.
Hadisəyə baxmayaraq, kafe işini adi rejimdə davam etdirir.
trend.az