"Science" jurnalında nümayiş olunan araşdırmada, insanın duyğu orqanlarından ən həssas olanının təxminən 400 qoxu reseptorunun olduğu burun olduğunu göstərdi.
New Yorkdakı Rockefeller Universiteti tədqiqatçıları, insan gözünün 10 milyon rəngi, qulağının isə 500 minə yaxın səsi ayırd edə bildiyini vurğuladı.
Daha əvvəl insan burnunun yalnız 10 min qoxunu qəbul edə bildiyi sanılırdı.
Tədqiqatçılar, insan burnunun qoxuları necə ayırd etdiyini sınamaq üçün çəmən otundan limona qədər çox fərqli 128 qoxu molekulu istifadə etdi.
Ətir molekullarını onuncu, iyirminci və otuzuncu qruplar halında qarışdıraraq çox sayda fərqli qarışıq əldə edən tədqiqatçılar, iştirakçılardan nümunələri qoxlamalarını istədilər.
Təcrübə nəticələri, normal bir insanın ən az bir trilyon fərqli qoxunu ayırd edə bildiyini göstərdi. Tədqiqatı idarə edən Dr. Leslie Vosshall, "İlk dəfə insanın qoxu hiss etmə duyğusunu test etmiş olduq. Araşdırmamız, insanın sanılandan çox daha yaxşı bir qoxu hiss etmə duyğusuna sahib olduğunu göstərdi" dedi. Vosshall, insanın qoxu alma gücünün yalnız kiçik bir qisimini istifadə etdiyini söylədi.