Apple şirkəti iOS 7.1 əməliyyat sisteminin geniş miqyaslı yenilənməsini təqdim edib. Milli.Az Day.Az saytına istinadən bildirir ki, yenilənmədə bir çox əlavə funksiyalar var. Bundan başqa, səhvlər də düzəldilib. Smartfonun öz-özünə sönməsinə yol açan səhvlər artıq iOS 7.1 əməliyyat sistemində yoxdur. Bununla belə "ağ ölüm ekranı" da düzəldilib. Bir çox istifadəçilər şikayətlənirdilər ki, zamanla barmaq izi skaneri pis işləyir. iPhone 5S üçün isə Touch ID funksiyası mükəmməlləşdirilib. Artıq barmaq izi sensorunda problem olmayacaq. Telefon üçün proqramda da ciddi dəyişikliklər olub. Düzbucaqlı formasında olan düymələr indi çevrə formasındadır. Yeni yarlıqlar əlavə olunub. Siri səs idarəetmə sisteminin işi də yaxşılaşdırılıb.
Mənbə: Milli.Az