"Bavariya"nın baş məşqçisi Pep Qvardiola Çempionlar Liqasında 1/8 finalın cavab oyunu öncəsi qarşılaşacaqları "Arsenal"ın çalışdırıcısı Arsen Vengerhaqda xoş sözlər deyib.
Qol.Az-ın məlumatına görə, "The Telegraph"a danışan ispaniyalı mütəxəssis Vengerin dünyanın ən yaxşı baş məşqçilərindən biri olduğunu bildirib:
""Arsenal" əla komandadır. Onların heyətində güclü futbolçular az deyil. Məsut Özil, Mikel Arteta, Per Mertezaker, Tomaş Rosiçki, Kiran Gibbs və digərlərinin adlarını çəkə bilərəm. Arsen Venger isə dünyanın ən yaxşı məşqçilərindən biridir. O hər zaman yaxşı futbolçular alır və gənclərlə işləməyi sevir".
Qeyd edək ki, "Bavariya" - "Arsenal" oyunu bu axşam, Bakı vaxtı ilə saat 23:45-də başlayacaq. Bu komandalar arasında baş tutmuş ilk oyun 2:0 hesabı ilə "Bavariya"nın xeyrinə başa çatıb.
Mənbə: Milli.Az