Opera Software şirkəti Android əsaslı qurğular üçün Opera 20 brauzerini çıxarıb. Brauzer WebRTC internet protokolunu dəstəkləyir.Milli.Az ICTnews-a istinadən bildirir ki, WebRTC protokolu sayəsində birbaşa brauzerdən videozənglər həyata keçirmək olar.
Opera 20-nin əsasını Blink mühərriki əsasında yaradılmış Chromium 33 brauzeri təşkil edir. Opera Software əvvəllər brauzerlərində Presto mühərrikindən istifadə edib, lakin 2013-cü ildə ondan imtina edərək WebKit-dən istifadəyə başlayıb.
Opera brauzeri WebRTC internet protokolundan istifadə edən yeganə mobil brauzer deyil.
2013-cü ildən sözügedən protokol Android platforması üçün Chrome və Firefox brauzerlərində tətbiq olunub.
Mənbə: Milli.Az