Macarıstanın Szombatxel şəhərində yunan-Roma güləşi üzrə böyüklər arasında Qızıl Qran Pri beynəlxalq turniri başa çatıb. Azərbaycan Güləş Federasiyasının mətbuat xidmətindən Milli.Az-a verilən məlumata görə, turnirdə yunan-Roma güləşi üzrə yığma komandamızın 3 üzvü mübarizə aparıb. Güləşçilərimizdən yalnız Rafiq Hüseynov (80 kq) medalçılar sırasında yer alıb. Turnirin ikinci günündə mübarizəyə qoşulan Rafiq Hüseynov bürünc medal qazanıb. Turnirin ilk günündə mübarizə aparan Taleh Məmmədov (66 kq) və Sabah Şəriəti(130 kq) medal qazana bilməsələr də ilk onluqda yer alıblar. Taleh Məmmədov 8-ci, Sabah Şəriəti isə 7-ci yerdə qərarlaşıb.
Mənbə: Milli.Az