Ukraynada baş verən siyasi proseslər ölkə futboluna da təsirsiz ötüşməyib.Qol.az-ın "Espreso TV"yə istinadən verdiyi məlumata görə, FİFA və UEFA Ukrayna millisini və klublarını beynəlxalq turnirlərdən kənarlaşdıra bilər.Buna səbəb bir neçə gün öncə naməlum şəxlər tərəfindən Ukrayna Futbol Federasiyasının (UFF) binasının zəbt olunmasıdır. Federasiyadan verilən açıqlamada FİFA və UEFA-nın bu xəbərdarlığı təsdiqini tapıb:
"FİFA və UEFA bizə Ukrayna Futbol Federasiyasının işinə heç bir siyasi və qeyri-idman təşkilatının müdaxilə etmək hüququnun olmadığını bildirib. Dünyanın ali qurumları bu halın təkrarlanacağı təqdirdə Ukrayna millisi və klubların beynəlxalq turnirlərdən kənarlaşdırılacağı ilə bağlı bizləri xəbərdar edib".Qeyd edək ki, bir müddət öncə naməlum şəxslər tərəfindən UFF-nin binasının zəbt olunduğu xəbəri yayılıb. Daha sonra həmin şəxslərin "Dinamo" (Kiyev) klubunun fanatları olduğu bildirilib. Lakin fan klubun rəhbəri bu xəbəri təkzib edib.
Mənbə: Milli.Az