Şənbə günü Rusiyada, Omsk şəhərində qara qar yağıb. Milli.Az RİA Novosti-yə istinadən bildirir ki, qara qarı əhali dəmiryolu vağzalının yanında görüb. Hazırda həmin qardan nümunə götürülərək laboratoriyada analiz edilir.
Omskda 2012-ci ildə iki dəfə qara qar yağmışdı. O vaxt təbiəti mühafizə idarəsi müəyyən etmişdi ki, bu soyuq havalarda maksimal güclə işləyən istilik-elektrik stansiyasının havaya buraxdığı tüstünün nəticəsində belə olub.
"İşlər aparılır. İlkin ehtimala görə, bu yenə də stansiyanın işidir. Cavablar bazar ertəsi açıqlanacaq", - Rusiya Təbiətə Nəzarət İdarəsindən bildirilib.
Ötən ilin avqustunda isə bu şəhərə ağ yağış yağmışdı. Ona səbəb isə "Qaszpromneft" neft zavodunun havaya buraxdığı zərərsiz katalizator tozu idi.
Mənbə: Milli.Az