"Sietl Sihouks" klubu ABŞ-ın Amerika Milli Futbol Liqasının (NFL) finalında ilk dəfə qalib gəlib. Sietllilər final matçında "Denver Bronkos" klubunu məğlub ediblər.Milli.Az Daily Mail-ə istinadən bildirir ki, Superboul adlanan matç 43:8 hesabla başa çatıb. Matçın əvvəlinə qədər favorit hesab olunan "Denver" yalnız görüşün son dəqiqələrində xallar qazana bilib. Qarşılaşmanın sonlarına yaxın hesab 36:0 idi.NFL-in final matçı olan 48-ci Superboul ABŞ-ın Nyu-Cersi ştatındakı İst-Ruterford şəhərində yerləşən "Met LifE" arenasında olub.
Amerikan futbolunun əsas olayına baxmaq üçün stadiona 80 mindən artıq azarkeş gəlmişdi.Superkubok və ya Superboul matçı Amerika Futbol Konfransı (AFC) və Milli Futbol Konfransının (NFC) çempionları arasında oynanır.Matç arasındakı fasilələrdə stadionda Bruno Mars, Kuin Latifa və "Red Hot Chilli Peppers" çıxış ediblər.
Mənbə: Milli.Az