Azərbaycanın ilk peşəkar kontinental velosiped komandası "Synergy Baku Cycling Project" 2014-cü ilə Yeni Zelandiyada keçiriləcək 2.2 kateqoriyalı "Cycle Classic" veloyürüşü ilə start verir.Azərbaycan Velosiped İdmanı Federasiyasının mətbuat xidmətindən Trend-ə verilən məlumata görə, yanvarın 29-da start götürəcək 5 mərhələli yarışda 5 velosipedçimiz mübarizə aparacaq. Bunlar almaniyalı Daniel Kleme, Kristofvə Maykl Şvayzer qardaşları, avstraliyalı Patrik Leyn və həmvətənimiz Elçin Əsədovdur.Qeyd edək ki, yarışda 20 komandanın tərkibində 100 velosipedçi mübarizə aparacaq.
Mənbə: Milli.Az