İnşasına 2012-ci ildə başlanan Qala Kompleksi istifadəyə verilib. Gəncə-Bakı magistral yolunun hər iki tərəfində inşa edilən, uzunluğu 50 metr, bürclərinin hündürlüyü 22 metr olan qalanın əsas hissəsi beşmərtəbəli, baş sütun hissəsi ilə birlikdə yeddimərtəbəlidir. Milli.Az Kəpəz TV-yə istinadən xəbər verir ki, qalanın hər iki tərəfindəki birinci mərtəbələrdə və yeraltı keçiddə dahi Azərbaycan şairi Nizami Gəncəvinin sələfləri və xələflərinin şəkillərindən ibarət qalereya yaradılıb. Burada Gəncənin 26 görkəmli şəxsiyyətinin abidəsi qoyulub. Muzeyin sağ tərəfində isə Gəncənin hərb tarixi muzeyi yaradılıb.
Mənbə: Milli.Az