Filippinin cənubunda daşqın nəticəsində ölənlərin sayı 56-ya çatıb. Milli.Az Rusiya mətbuatına istinadən xəbər verir ki, bu barədə ölkənin fövqəladə hallar üzrə milli şurası məlumat yayıb. Daha 10 nəfər isə itkin düşüb. 83 nəfər yaralanıb. Qeyd edək ki, bu həftə ərzində Filippinin cənubuna "Aqaton" tropik siklonu gəlib. Siklon leysan yağışları və daşqınlarla müşayiət olunub. Siklondan 1,1 milyon nəfər əziyyət çəkib. Onlardan 180 min nəfəri evsiz qalıb.
Mənbə: Milli.Az