Mövsümün ikinci yarısına hazırlığı Türkiyənin Antalya şəhərində davam etdirən “Neftçi” heyətinə yeni futbolçu cəlb edib. Apasport.az klubun rəsmi saytına istinadən xəbər verir ki, paytaxt təmsilçisi Rusiyanın “Lokomotiv” klubunun yetirməsi olan Samir Məsimovla 3,5 illik müqavilə bağlayıb.2010/11 mövsümünü Moskva “Spartak”ının heyətində keçirmiş hücumçu 19 yaşadək yığmamızın da üzvüdür. 18 yaşlı futbolçu U-19-un heyətində 3 oyun keçirib.Qeyd edək ki, “Neftçi”nin qış fasiləsində ilk transferi olan Samir Məsimov komandasının Albaniyanın “Partizani” klubu üzərindəki qələbəsində (2:0) bir qol vurmaqla töhfə vermişdi.
Mənbə: Milli.Az