Şimal qütbünün yaxınlığında yaşayan insanların həyat şərtlərinin çox ağır olduğuna tanınmış fotoqraf Saşa Lyaxovçenko bir daha əmin olub. O, Çukotkaya yollanaraq yerli sakinlərin fotoportretlərini çəkib. Səfər dünyanın bir sıra ölkələrindən olan fotoqrafları birləşdirmiş "Help-Portrait" layihəsi çərçivəsində həyata keçirilib.Milli.Az Daily Mail-ə istinadən bildirir ki, Saşa Lyaxovçenkonun da daxil olduğu qrup "gəlmə"lərin çox az olduğu çukça məkanlarından birinə baş çəkiblər.Sonucda fotoqraf "Dünyanın sonunda yaşayan insanlar" seriyasını yaradıb.Çəkilişlərdən sonra Lyaxovçenko fotoları sahiblərinə hədiyyə edib.Əslən Moldovadan olan Sala Lyaxovçenko 2007-ci ildə ABŞ-a mühacirət edib və indi Kaliforniya ştatında yaşayır.
Mənbə: Milli.Az