İngiltərənin Berkşir qraflığındakı Brəknell şəhərində yaşayan 55 yaşlı Saymon Bek unikal, təkrarsız əsərlər yaradır. Yönü dəqiq müəyyənləşdirmək üçün kompasdan istifadə edən rəssam yeriyərək qar və buz üzərindəki izləri vasitəsilə mürəkkəb naxışlar formalaşdırır. Həmin naxışların kompozisiyası isə sonucda qarışıq ornamentlərdən ibarət strukturlara çevrilir.Milli.Az Daily Mail-ə istinadən bildirir ki, son əsərini 10 saat ərzində yaradan Bek bu müddət ərzində 40 km qət edib.
Bekin dediyinə görə, son əsərlərini yaratmaq üçün Fransanın dağ xizəkçilik kurortlarını seçib."İndi vaxtımın əksər hissəsini Alp dağlarında keçirirəm. Dağlarda dolaşır, ornament "müstəvi"si üçün yerlər arayıram. Naxışları da ayaqlarımla yaradıram. Riyazi fiqurlara üstünlük versəm də, əksər hallarda öz naxışlarımı formalaşdırıram", - Bek deyib.
Mənbə: Milli.Az