Azərbaycanda qanunsuz olaraq tutma və həbsə alma cinayətinə görə cəzanın minimum həddi qanunvericilikdən çıxarılır. Trend-in məlumatına görə, bununla bağlı Cinayət Məcəlləsinə əlavə və dəyişikliklər edilir.Milli Məclisin bu gün keçiriləcək iclasının gündəliyinə bu məsələ daxil edilib.Qanun layihəsində 292-ci maddənin Qanunsuz olaraq tutma, həbsə alma kimi adlandırılması, bilə-bilə qanunsuz həbsə almaya görə dörd ilədək müddətə azadlıqdan məhrum etmə ilə cəzalandırılması nəzərdə tutulur.Qeyd edək ki, hazırda həmin cinayətə görə 2 ildən 4 ilədək azadlıqdan məhrumetmə cəzası nəzərdə tutulub.Məcəlləyə bilə-bilə qanunsuz həbs yerində saxlama adlı 292.2-1 maddəsi əlavə edilməsi nəzərdə tutulur.Həmin cinayətə görə dörd ilədək müddətə azadlıqdan məhrumetmə cəzası təklif edilib.
Mənbə: Milli.Az