“2013-cü ildə dövlətin film çəkilişi üçün ayırdığı pulun hamısı sərf olunub. Filmlərin bəzisi keçən ildən qalan filmlərdir, bu il tamamlanıb. Bəzisinin çəkilişi bu il başlanıb, gələn il bitəcək. Dəqiq rəqəmi heç vaxt demək olmur ki, konkret neçə film çəkilib”. Bunu Modern.az-a açıqlamasında Mədəniyyət Nazirliyinin kinematoqrafiya şöbəsinin sektor müdiri Yusif Şeyxov deyib.Y.Şeyxovun sözlərinə görə, film istehsalı üçün ayrılan pulun miqdarı dəyişməyib: “Bu il olduğu qədər 2014-cü ildə də film istehsalı üçün 6.5 milyon manat pul ayrılıb. 4 bədii film istehsal olunacaq, amma adları hələ açıqlanmayacaq”. Qeyd edək ki, ötən il dövlət büdcəsindən kino sahəsinə 7 milyon manat vəsait ayrılıb. 2012-ci ildə bir neçə bədii və sənədli film istehsal olunub. Bədii filmlər arasında "Qorxma, mən səninləyəm-2", "Ən adi soyad", "Dolu", "Sübhün səfiri", "Dərvişin ölümü", "Çölçü", "Ehram TV", "Mən evimə qayıdıram", "Qisas almadan ölmə" və digər ekran işləri vardı. 2013-cü ildə kinoya dövlət büdcəsindən 6,5 milyon manat ayrılıb.
Mənbə: Milli.Az