Bakı şəhərində hər iki gözü tutulmuş gənc kömək istəyir. İki il əvvəl işıqlı dünyaya həsrət qalmış 36 yaşlı Camal Camalov əlillər evinə yerləşdirilməsi üçün yol axtarır. Onun yaxınları Milli.Az-a bildirib ki, C.Camalov I qrup əlildir və əməliyyata ehtiyacı var:“Heç kimi yoxdur, yetimdi. Əlillər evinə yerləşdirilməsi lazımdı. Xahiş edirik bu məsələnin həllində Camala köməklik edəsiniz. Camal istəyir ki, onu tək qoymasınlar”.Əmək və Əhalinin Sosial Müdafiəsi Nazirliyindən Milli.Az-a bildirildi ki, C.Camalovun problemi həll ediləcək. Bunun üçün əmək və əhalinin sosial müdafiəsi naziri Səlim Müslümovun adına məktub yazılmalıdır. Onun şikayətinə baxılaraq müsbət həllini tapacaq.
Mənbə: Milli.Az