Yeni il öncəsi bayramdan başqa heç nə barədə düşünmək olmur. Bu da belə bayramdır. Uşaqlar və böyüklər bayramı necə keçirmək barədə düşünürlər. Şaxta babanın evə çağırılması da nəzərdə tutulan işlərdəndir. Milli.Az Day.Az-a istinadən bildirir ki, hələ sovetlər dönəmində xoş xidmətlər bürosu fəaliyyət göstərirdi. Həmin büro vasitəsi ilə evlərə nəinki təmizlikçi, həmçinin Şaxta baba da dəvət etmək olurdu. Bunu indi də etmək olur, ancaq bu işlə sovet dönəmindəki büro deyil, aktyorlar, animatorlar məşğul olurlar. Sosial şəbəkələrdə də "Bakıda normal Şaxta baba necə tapmaq olar?" sualı altında müzakirələr gedir. Kim evə Şaxta baba çağırıbsa, çoxu narazı qalıb. Deyirlər ki, həmin Şaxta babalar çox vaxt uşaqları qorxudurlar. Çoxları hesab edirlər ki, bizdə hələ "Şaxta baba mədəniyyəti" tam formalaşmayıb. Bəziləri də şaxta babaların qeyri-peşəkarlığından şikayət edirlər. Gəlin müzakirə edək. Bakıda doğru Şaxta babanı necə tapmaq olar? Siz də uşaqlarınızı sevindirmək üçün evə Şaxta baba çağırmağı düşünürsünüzmü?
Mənbə: Milli.Az