31 Dekabr Dünya Azərbaycanlılarının Həmrəylik Günü və Yeni il münasibətilə region televiziyaları möhtəşəm Yeni il şousu hazırlayırlar. Regionlarda bu Yeni il unikallığı ilə 31 dekabr tarixinə öz damğasını vuracaq. Kəpəz TV, EL TV, Region TV, CTV, Kanal S telekanallarının birgə ərsəyə gətirdiyi “Bizim Yeni il” şousu 2013-cü ildə bir ilk olacaq. Region televiziyalarından olan aparıcıların telekörpü vasitəsilə səmimi dialoqları, məzəli səhnəcikləri, müğənnilərlə maraqlı söhbətləri Yeni il axşamında hər kəsin qəlbinə yol tapacaq. Faiq Ağayev, Manana, Samirə, Elnur, Sevda Yahyayeva, Nurlan Növrəsli, Elçin, Nadir Qafarzadə və digər Azərbaycanın tanınmış müğənnilərinin ifasında şən və unudulmaz musiqilər “Bizim Yeni il”in rəngarəngliyindən, hələ uzun müddət yaddaşlarda qalacağından xəbər verir. At ilini birgə qarşılayan region televiziyalarının əməkdaşları, bu xoş ab-hava ilə bütün evlərə qonaq gələcəklər. Teleməkanda daha bir ilk, yeni bir zəfərlə yaddaşlarda qalacaq. Bizimlə “Bizim Yeni il”i qarşılayın! 31 dekabr saat 21:30-da bütün region televiziyalarında “Bizim Yeni il” şousunu mütləq izləyin!
Mənbə: Milli.Az