Bu gün Ağstafa rayonunun Kolxəlfəli kəndinə təbii qazın verilməsi münasibətilə tədbir keçirilib. Trend ARDNŞ-nin rəsmi saytına istinadən məlumat verir ki, tədbirdə "Azəriqaz" İstehsalat Birliyinin və rayon icra hakimiyyətinin təmsilçiləri, ictimaiyyət nümayəndələri iştirak ediblər. Bildirilib ki, 279 abonenti olan Kolxəlfəli kəndinin qazlaşdırılması məqsədi ilə birpilləli sistem əsasında 30,4 kilometr uzunluğunda polietilen və metal borularla daşıyıcı və məhəllədaxili qaz xətləri çəkilib, 279 ədəd sayğac və fərdi tənzimləyici quraşdırılıb.
Mənbə: Milli.Az