Dünyanın ən populyar fotoservisi İnstagram-da bu il istifadəçilərin fotolarını daha çox paylaşdıqları şəhərlər arasında ilk yeri Nyu-York tutub. Milli.Az Gizmodo-ya istinadən bildirir ki, fotoları ən çox paylaşılan şəhərlər arasında ikinci yeri Tailandın paytaxtı Banqkok tutub. Nyu-Yorkun İnstagram istifadəçiləri arasında ən populyar səmtləri Times Square, Central Park və High Line, Banqkokda isə Siam Paraqon adlı ticarət mərkəzidir. Populyar şəhərlərin ilk onluğunda Los-Anceles, San-Dieqo, Las-Veqas, San-Fransisko, London, San-Paulu, Moskva və Rio-de-Janeyru da var.
Mənbə: Milli.Az