Azərbaycan gələcəkdə Albaniya, Xorvatiya və Monteneqroya qaz ixracına dair qarşılıqlı anlaşma memorandumu imzalayıb.
Trend-in məlumatına görə, qaz Avropaya özünün karbohidrogen ixracı mənbələrini şaxələndirməyə və enerji təhlükəsizliyini artırmağa, Azərbaycana isə Avropanın timsalında yeni bazarlar əldə etməyə imkan verəcək Cənub Qaz Dəhlizi çərçivəsində ixrac olunacaq.Cənub Qaz Dəhlizi növbəti onillik ərzində Avropanın qaza tələbatını təmin etməyi nəzərdə tutan iri layihədir.
Qeyd edək ki, bu gün Bakıda Azərbaycanın "Şahdəniz" qaz-kondensat yatağının işlənməsi layihəsinin ikinci mərhələsi üzrə yekun investisiya qərarı qəbul edilib."Şahdəniz 2"-nin təsdiq edilməsi layihənin konsepsiyadan birbaşa reallaşdırılması mərhələsinə keçid deməkdir.
Mənbə: Milli.Az