Futbol üzrə Azərbaycan yığmasının baş məşqçisi Berti Foqts Topaz Premyer Liqasının 17-ci turunun "Bakı" - "Qarabağ" matçını canlı izləyib. Qarşılaşmanın fasiləsində azerisport.az saytına açıqlama verən almaniyalı mütəxəssis millimizdəki gələcək taleyi ilə bağlı danışmaq istəməsə də, oyunla bağlı fikirlərini deyib: "Klubların hər ikisi taktikaya daha çox önəm verir. Futbolçular topsuz daha çox hərəkət etməyi bacarmalıdırlar. Ümid edirəm ki, ikinci hissədə daha maraqlı futbol görəcəyik".
Mənbə: Milli.Az