1915-ci ildə ermənilərin Osmanlı imperiyasının ərazisindən köçməsinə Türkiyənin xarici işlər naziri Əhməd Davudoğlu İrəvana səfəri zamanı dəyərləndirib.Lent.Az-ın «RİA Novosti»-yə istinadən məlumatına görə, «Hurriyet Daily news» qəzeti bu haqda xəbər yayıb. Mənbənin məlumatına əsasən, türkiyəli nazir deyib: «Osmanlı imperiyası zamanı «Vəhdət və Tərəqqi» hərəkatının rəhbərliyi tərəfindən gerçəkləşdirilən deportasiyanı mən qəti olaraq doğru iş kimi qəbul etmirəm». Təyyarədə jurnalistlər müsahibəsində o, bunu «qeyri-insani akt» adlandırıb. Türkiyəli nazirin sözlərinə görə, tarixi stereotipləri hər iki ölkə xalqının düşüncəsindən dağıtmaq lazımdır.
Mənbə: Lent.Az