Hindistanda kişilərin üzlərinə turşu ataraq yandırdıqları qadınlar hüquqlarını tələb etməyə başlayıblar. Anspress-in Rusiya mətbuatına istinadən verdiyi məlumata görə, Hindistanda bununla əlaqədar qanun qəbul edilib.Hindistanda bu qanun Yeni Dehlidə gənc bir qızın bir qrup kişi tərəfindən zorlanaraq öldürülməsindən sonra qəbul olunub. Hakimiyyətin məcbur qalaraq qəbul etdiyi bu qanun alıcı haqqında məlumatları əldə etmədən ona kimyəvi turşu satmağı qadağan edir. Turşu ilə hücuma məruz qalmış qurbanlara 1400 dollar kompensasiya ödəniləcək. Bundan başqa, bu cinayəti edənlər 10 ildən çox ömürlük azadlıqdan məhrum edilməyə qədər cəzalandırılacaqlar.
Hindistanda yüksək qatılaşdırılmış turşular çox asan əldə edilir və məişət kimyası kimi satılır.
Mənbə: Milli.Az