Sosial şəbəkə istifadəçilərinin yalnız 40 faizi hakerlər tərəfindən törədilən təhdidlərdən və zərərli proqram təminatından ciddi narahatdır. Bu barədə Eset antivirus şirkətinin məlumatında deyilir. Milli.Az ICTnews-a istinadən bildirir ki, 2013-cü ilin sentyabrında ABŞ-ın iki mindən çox sakini arasında keçirilən sorğuya əsasən, rəyi soruşulanların 14 faizi internet təhdidləri ilə bağlı narahatlığını ifadə etməyib, 46 faizi ciddi olmasa da, öz informasiya təhlükəsizliyinə görə narahatlıq hissi keçirdiyini bildirib. Respondentlərin 64 faizi internetdə istifadəçi məlumatlarının təhlükəsizliyi üçün məsuliyyətə görə özləri məlumatlarını qorumalı olduğunu fikirləşir, lakin 17 faizi internetdə məlumatların təhlükəsizliyinə görə əsas məsuliyyətin internet provayderlər, sosial şəbəkələr (12 faiz), dövlət (3 faiz), işəgötürənlərin (2 faiz) üzərinə düşdüyünü hesab edir. Sorğu məlumatlarına görə, sosial şəbəkə istifadəçilərindən hər beş nəfəri səhifələrinin məxfilik funksiyalarını bir dəfə olsun belə dəyişməyib, parolu yeniləməyib, səhifənin baxılmasını məhdudlaşdırmayıb. Rəyi soruşulanların daha 15 faizində son dəfə təhlükəsizlik funksiyalarının bir il əvvəl dəyişdirilməsi müəyyən olunub (aktiv inkişaf edən sosial şəbəkələrdə funksiyalar mütəmadi olaraq yenilənir və əlavə olunur). Sorğuda iştirak edənlərin 45 faizi məxfilik funksiyalarını son dəfə bir neçə həftə əvvəldən bir ilədək müddət ərzində yeniləyib. Rəyi soruşulanların yalnız 21 faizi istifadə etdiyi sosial şəbəkənin funksiyalarını edilən dəyişikliklər üçün mütəmadi yoxlayır. Ekspertlər hesablayıblar ki, rəyi soruşulanların təxminən yarısı (49 faiz) ən azı iki sosial şəbəkədən fəal istifadə edir (13 faiz eyni vaxtda dörd və daha çox servisdə ünsiyyət qurur). İstifadəçilərin üçdə bir hissəsi bir səhifə ilə kifayətlənir və yalnız 18 faizi ümumiyyətlə sosial şəbəkələrdən istifadə etmir.
Mənbə: Milli.Az