Suriyada vətəndaş müharibəsinin davam etdiyi min gün ərzində həlak olanların sayı 129 403 nəfərə çatıb. Milli.Az ABC-yə istinadən bildirir ki, Suriya İnsan Haqları Təşkilatının (SNHR) yaydığı hesabatda bildirilir ki, həlak olanların 102 759 nəfəri dinc vətəndaşlardır. Həlak olanlar arasında 12 148 uşaq, 11 015 qadın var. 29-u qadın, 91-i uşaq olan 3 461 nəfər dəhşətli işgəncələr nəticəsində keçiniblər. Aralarında 9 min uşaq və 4 500 qadın olan 215 min nəfər isə Suriya prezidenti Bəşər Əsədə sadiq qüvvələr tərəfindən həbs olunub. Suriyada vətəndaş müharibəsinin başlandığı 2011-ci ilin martından bəri ölkədə aralarında xəstəxana, məscid və kilsələrin də olduğu 900 mindən çox bina darmadağın olub . 7500 suriyalı qadın vəhşi təcavüzlərə məruz qalıb. Döyüşlər 6,395 milyon insanın ev-eşiyini tərk etməsinə, 3,6 milyon suriyalının qaçqın düşərək xarici ölkələrə pənah aparmasına səbəb olub.
Mənbə: Milli.Az