Milli.Az Kəpəz TV-yə istinadən xəbər verir ki, ulu öndər Heydər Əliyevin anım günü əlaqədar olaraq Gəncədə “Gənclik onun imzasıdır” adlı layihə çərçivəsində maraqlı tədbir keçirilib. Respublikamızda ilk dəfə olaraq Gəncə Şəhər İcra Hakimiyyətinin dəstəyi, “Odlar Yurdu” Gənclər İctimai Birliyinin təşkilatçılığı ilə ümummilli lider Heydər Əliyevin canlı imzası elə onun adını daşıyan meydanda yaradılıb.Aksiyada 300 nəfərdən çox gənc iştirak edib. Canlı insanların yaratdığı imzanın eni 17 metr, uzunluğu isə 40 metr olub. Yaxın gələcəkdə layihənin ikinci mərhələsi olaraq Azərbaycanı dünyaya tanıdan imza dünyanın ən böyük canlı imzası olaraq yaradılacaq. Əsas məqsəd isə ulu öndər Heydər Əliyevin imzasını "Ginnesin Rekordlar kitabı"na dünyanın ən böyük canlı imzası kimi yazdırmaqdır.
Mənbə: Milli.Az