Bu həftə Bakıda keçirilən 19-cu Azərbaycan Beynəlxalq Telekommunikasiya və İnformasiya Texnologiyaları sərgisi analoqu olmayan nümayişlərlə yadda qaldı. “Texno Park” verilişi də bu sərgidə öz təqdimatı ilə seçildi. Sərginin ən maraqlı görüntülərini izləmək şansını qaçırmayın. Ağıllı smartfon sahibləri, düşünürsünüz ki, telefonunuz haqqında hər şeyi bilirsiniz? Texno Park-da ağıllı smartfonların daha bir özəlliyinin şahidi olacaqsınız. Biz sizə hələ bilmədiyiniz çox məqamı açıqlayacağıq. Bu həftə “Mega texno” rubrikasinda qeyri-adi yol işi ilə tanış olacaqsınız. Belə bir layihənin həyata keçirilməsini və işin vaxtında təhvil verilməsini nəzərə alsaq, insanı, doğrudan da, vahimə bürüyür. Qadağan olunmuş küçələrdən keçmək, polisin icazə vermədiyi manevrlər edərək mükəmməl avtomobil idarə etmək üçün buradan daha yaxşı məkan ola bilməz. Söhbət “Drive Club” oyunundan gedir. Heç bilirsinizmi, bu oyunun ideyasi 10 il bundan əvvəl düşünülüb. Bəs oyunun yaradılmasına mane olan səbəb nə idi? Bu və digər məlumatlardan xəbər tutmaq istəyirsinizsə, hər bazar saat 19:00-da ATV kanalında Zaur Əliyevin təqdimatında “Texno Park” verilişini izləməyi unutmayın. Verilişin informasiya dəstəyi Day.Az və Milli.Az saytıdır.
Mənbə: Milli.Az