BMT-nin saytında dərc edilmiş informasiyaya əsasən, Vikipediyanın banisi 47 yaşlı Cimmi Uels elmin inkişafına əhəmiyyətli töhfəsinə görə YUNESKO tərəfindən Nils Bor adına qızıl medala layiq görülüb. Milli.Az ICTnews-a istinadən bildirir ki, mükafat Kopenhagendə Nils Borun atom modelinin 100 illiyinə həsr olunmuş Açıq dünya konfransında təqdim olunub. Vikipediya onlayn ensiklopediyasının yaradıcısı öz çıxışında deyib ki, bu layihəni inkişaf etdirərək onu bütün dillərdə əlçatan etmək niyyətindədir. Xatırladaq ki, Nils Bor adına qızıl medal onun anadan olmasının 100 illiyi şərəfinə 1985-ci ildə təsis edilib.
Mənbə: Milli.Az