Ford şirkəti yeni nəsil Mustang kupeni təqdim etdi. Masl-kar ilk buraxlışından keçən 50 il ərzində Avropada ilk dəfə rəsmən satışa çıxarılacaq. Milli.Az 4charx.com-a istinadən bildirir ki, Avropa bazarında "Mustanq" iki mühərriklə təklif ediləcək: 426 at gücü və 529 Nm hasil edən V8, həmçinin EcoBoost ailəsindən 2,3-litrlik aqreqat. Bu mühərrik 309 at gücü və 407 Nm fırlanma anı hasil edir. "Mustanq" nəslini dəyişərkən yeni asqı əldə edib. Ford-da qeyd etdilər ki, yeni nəsil modelin asqısı Avropa sürücülərinin üstün saydıqları xüsusiyyətlərə əsaslanaraq köklənmişdir. Bundan başqa, kupeni məhsuldar əyləc mexanizmləri və 19 düymlük yüngül lehimli təkər diskləri ilə təchiz edəcəklər.
Mənbə: Milli.Az