FİFA-nın baş katibi Jerom Kalve 2014-cü ildə Braziliyada keçiriləcək dünya çempionatının iştirakçısı olacaq yığmaların alacaqları məbləğləri açıqlayıb. Milli.Az Estadao-ya istinadən bildirir ki, Braziliyadakı mundialın qalibi 35 milyon, finalçı komanda 25 milyon, bürünc medala yiyələnəcək yığma isə 22 milyon dollar alacaq. 4-cü yeri tutan komandaya 20 milyon dollar, 4-8-ci yerlərdə olacaq komandalara 14 milyon, 9-16-cı yerlərdə olan yığmaların hər birinə 9 milyon, 17-32-ci yerlərdə bərqərar olacaq millilərin hər birinə 8 milyon dollar ödənəcək. Futbolçularını dünya çempionatına buraxacaq klublar arasında isə 80 milyon dollar bölüşdürüləcək.
Mənbə: Milli.Az