Dünyanın bir çox ölkələrində ordu sıralarında kifayət qədər çox qadına rast gəlmək olur. Anspress-in Türkiyə mətbuatına istinadən verdiyi məlumata görə, İgiltərənin “İndependent” qəzeti Bəşər Əsədin üsyançılara qarşı qurduğu polis qruplarının içində qadınların da olduğunu yazır. Üsyançılara qarşı yaradılan “Beynəlxalq Mühafizə Qüvvəsi” adlı polis qüvvələrinin arasındakı qadınlardan “Əsədin dişi aslanları” deyə bəhs edilir. İsrail ordusunda isə qadınlara 2 il təlimlər keçirilir. Konqoda isə övladı olan qadın əsgərlər xidmətdə olarkən uşağını kürəyində daşıyır. Fələstində qadın əsgərlər qara hicabda xidmət edirlər. Onların, sadəcə, əli və üzü görünür. Yəmən ordusunda isə hətta kişilərlə birlikdə hərbi xidmət çəkən qadınlara rast gəlmək olur.
Mənbə: Milli.Az