BMW şirkəti 2-Series kupesi üçün M Performance aksessuarları dəstini təqdim etdi. İdman paketi Avropa satışları 2014-cü ilin martında başlanacaq iki qapılının bütün modifikasiyaları üçün təklif ediləcək. Milli.Az 4charx.com-a istinadən bildirir ki, aksessuar dəstinə 20 millimetr aşağı endirilmiş asqı, yeni amortizatorlar və qırmızı rəngdə qısaldılmış yaylar, qırmızı, sarı və narıncı rəngli tutqaclarla birgə daha güclü əyləc mexanizmləri, həmçinin iki variantda döymə alüminiumdan 19 düymlük təkər diskləri daxildir. Kuzovun aerodinamik asmasının detallarına karbondan arxa spoyler, yeni qabaq və arxa bamper, diffuzor, qara radiator barmaqlığı, yan kandarlara başqa qoyulmalar, güzgülərin karbon - plastik korpusları, həmçinin kuzova yapışdırılmış iki rəngli zolaqlar daxildir. Salon üçün idman sükan çarxı, karbon və alkantara işləməli ötürücü qutunun selektoru və dayanacaq əyləci dəstəyini, həmçinin pedalda polad qoyulmalar sifariş etmək mümkün olacaq.
Mənbə: Milli.Az