Türkiyə Dəməşqdəki Rusiya səfirliyinə hücumu pisləyib. Trend Anadolu agentliyinə istinadən, bu barədə məlumat verir "Türkiyə səmimi öz başsağlığını bildirir. Günahsız insanlara və diplomatik nümayəndəliyə yönəlmiş belə aksiyalar məqsədlərindən asılı olmayaraq qanuna ziddir. Biz ümid edirik ki, Suriyadakı münaqişəni ağırlaşdıran, eləcə də bölgənin sabitliyinə təhlükə yaradan belə hücumlar daha təkrarlanmaz", - Türkiyə XİN-in məlumatında deyilir. Rusiya səfirliyi cümə axşamı Suriyada hücuma məruz qalıb, nəticədə bir nəfər həlak olub, daha doqquz nəfər yaralanıb.
Mənbə: Trend.Az